ಧನುರಾಸನದಿಂದ ಬೆನ್ನು ನೋವು ನಿವಾರಣೆ

ಧನುರಾಸನದಿಂದ ಬೆನ್ನು ನೋವು ನಿವಾರಣೆ


ಧನು ಎಂದರೆ ಬಿಲ್ಲು. ಈ ಆಸನದ ಅಂತಿಮ ಸ್ಥಿತಿ ಬಿಲ್ಲಿನಾಕಾರವನ್ನು ಹೋಲುತ್ತದೆ. ಬೆನ್ನು ನೋವು ನಿವಾರಣೆಗೆ ಇದು ತುಂಬಾ ಉಪಯುಕ್ತ ಆಸನ.

ವಿಧಾನ:

* ಹೊಟ್ಟೆಯ ಮೇಲೆ ಮಲಗಿ ಕೈಗಳನ್ನು ತೊಡೆಗಳ ಅಕ್ಕ ಪಕ್ಕದಲ್ಲಿರಿಸಿ.

* ಉಸಿರು ಬಿಡುತ್ತಾ ಎರಡೂ ಕಾಲುಗಳನ್ನು ಹಿಂದಕ್ಕೆ ಮಡಚಿ.

* ಕೈಗಳಿಂದ ಕಾಲಿನ ಮಣಿಗಂಟುಗಳನ್ನು ಹಿಡಿದುಕೊಳ್ಳಿ.

* ಉಸಿರು ತೆಗೆದುಕೊಳ್ಳುತ್ತಾ ಬೆನ್ನು ಬಗ್ಗಿಸಿ ತಲೆ ಮತ್ತು ಕಾಲುಗಳನ್ನು ಮೇಲೆತ್ತಿ. 5 ಬಾರಿ ಉಸಿರಾಡಿ.

* ಉಸಿರು ಬಿಡುತ್ತಾ ತಲೆ ನೆಲದಲ್ಲಿರಿಸಿ.

* ಉಸಿರು ತೆಗೆದುಕೊಳ್ಳುತ್ತಾ ಕೈಗಳನ್ನು ವಿಶ್ರಾಂತ ಸ್ಥಿತಿಗೆ ಇಳಿಸಿ ಕಾಲು ಚಾಚಿ.

ಉಪಯೋಗಗಳು:

* ಸಂಧಿನೋವು ಮತ್ತು ಕುತ್ತಿಗೆ ನೋವನ್ನು ಕಡಿಮೆ ಮಾಡುತ್ತದೆ.

* ಮಂಡಿನೋವು ಮತ್ತು ಭುಜದ ನೋವಿಗೆ ಉಪಯುಕ್ತ.

* ಉಸಿರಾಟ ಕ್ರಿಯೆ ಚುರುಕು ಮಾಡುತ್ತದೆ.

* ಬೊಜ್ಜು ನಿವಾರಣೆ ಮಾಡುತ್ತದೆ.

ಎಚ್ಚರಿಕೆ:   ಹರ್ನಿಯಾ ಮತ್ತು ತೀವ್ರ ಮಂಡಿನೋವು ಇರುವವರು ಈ ಆಸನ ಮಾಡಬಾರದು.