⚪️ದೀರ್ಘ ಉಸಿರಾಟದ ಪ್ರಯೋಜನ⚪️

⚪️ದೀರ್ಘ ಉಸಿರಾಟದ ಪ್ರಯೋಜನ⚪️

ದೀರ್ಘ ಉಸಿರಾಟವು ಆರೋಗ್ಯವನ್ನು ಉತ್ತಮಪಡಿಸುತ್ತದೆ. ತ್ತಡದಲ್ಲಿದ್ದಾಗ ಸರಳವಾದ ಈ ವ್ಯಾಯಾಮವನ್ನು ಮಾಡಲೇಬೇಕು. ನಿಮಗೆ ಜೀವನದಲ್ಲಿ ಅನೇಕ ಸಮಸ್ಯೆಗಳು ಎದುರಾಗಿವೆ ಎಂದು ಅನಿಸಿದಾಗ ದೀರ್ಘ ಉಸಿರಾಟವು ಪರಿಹಾರ ನೀಡುತ್ತದೆ. ಮುಂದಿನ ಬಾರಿ ನಿಮಗೆ ಕೆಲಸ ಮಾಡುವಾಗ ಕಿರಿಕಿರಿ ಅನಿಸಿದರೆ ದೀರ್ಘ ಉಸಿರಾಟ ಮಾಡಿದರೆ ಅದರಿಂದ ಪರಿಹಾರ ಸಿಗುವುದು ಖಚಿತ. ಹಾಗಾದರೆ ದೀರ್ಘ ಉಸಿರಾಟ ಮಾಡಿದಾಗ ಆಗುವ ಪ್ರಯೋಜನಗಳ ಬಗ್ಗೆ ತಿಳಿದುಕೊಳ್ಳೋಣ. ಒತ್ತಡ ಕಡಿಮೆಯಾಗುತ್ತದೆ: ದೀರ್ಘ ಉಸಿರಾಟದಿಂದ ಒತ್ತಡ, ಗಾಬರಿ ಮತ್ತು ಭಯ ಕಡಿಮೆಯಾಗುತ್ತದೆ ಹಾಗೂ ಸ್ಪಷ್ಟವಾಗಿ ಯೋಚಿಸಲು ನೆರವಾಗುತ್ತದೆ. ದೀರ್ಘ ಉಸಿರಾಟ ಮಾಡುವುದರಿಂದ ಮಿದುಳು ಮತ್ತು ಬೆನ್ನು ಮೂಳೆ, ರಕ್ತನಾಳ ಮತ್ತು ಗ್ರಂಥಿಗಳ ನರಗಳಿಗೆ ಉತ್ತೇಜನ ನೀಡುತ್ತದೆ. ಹೃದಯ ಬಡಿತವನ್ನು ಕಡಿಮೆ ಮಾಡುತ್ತದೆ. ದೀರ್ಘ ಉಸಿರಾಟವು ಅಧಿಕ ರಕ್ತದೊತ್ತಡವನ್ನು ನಿಯಂತ್ರಣದಲ್ಲಿಡುತ್ತದೆ. ದೇಹವನ್ನು ಡಿಟಾಕ್ಸಿಫೈ ಮಾಡುತ್ತದೆ: ದೀರ್ಘ ಉಸಿರಾಟವು ರಕ್ತವನ್ನು ಶುದ್ಧೀಕರಿಸುತ್ತದೆ, ದೇಹ ಪೂರ್ತಿ ರಕ್ತವನ್ನು ಪಂಪ್‌ ಮಾಡುತ್ತದೆ ಮತ್ತು ದೇಹದಿಂದ ಟಾಕ್ಸಿನ್‌ ಅನ್ನು ಹೊರ ಹಾಕುತ್ತದೆ. ಶ್ವಾಸಕೋಶದ ಸ್ನಾಯುಗಳು ಬಲಿಷ್ಠಗೊಳಿಸುತ್ತವೆ: ದೇಹದಲ್ಲಿ ಆಮ್ಲಜನಕದ ಸರಬರಾಜನ್ನು ಸುಧಾರಿಸುತ್ತದೆ. ನಮ್ಮ ಜೀವನಶೈಲಿಯಿಂದಾಗಿ ನಾವು ಸಾಮಾನ್ಯವಾಗಿ ಕಡಿಮೆ ಪ್ರಮಾಣದಲ್ಲಿ ಆಮ್ಲಜನಕವನ್ನು ಉಸಿರಾಡುತ್ತೇವೆ. ದೀರ್ಘ ಉಸಿರಾಟ ಮಾಡುವುದರಿಂದ ಸಾಕಷ್ಟು ಪ್ರಮಾಣದಲ್ಲಿ ಆಮ್ಲಜನಕ ಸಿಗುತ್ತದೆ. ಆಮ್ಲಜನಕ ಕಡಿಮೆಯಾದರೂ ಸುಸ್ತಾಗುತ್ತದೆ. ಸರಳವಾಗಿ ದೀರ್ಘ ಉಸಿರಾಟವನ್ನು ಹೇಗೆ ಮಾಡುವುದು? ನೇರವಾಗಿ ಕುಳಿತುಕೊಳ್ಳಿ. ಕೈಗಳನ್ನು ಮೊಣಕಾಲಿನ ಮೇಲಿರಿಸಿ. ನಿಧಾನವಾಗಿ ಉಸಿರು ಒಳಗೆ ತೆಗೆದುಕೊಳ್ಳಿ. ನಿಧಾನವಾಗಿ ಉಸಿರು ಹೊರಕ್ಕೆ ಬಿಡಿ.