*ತೆರಿಗೆ ಪಾವತಿದಾರರಿಗೆ ಇಲ್ಲಿದೆ ಮಹತ್ವದ ಮಾಹಿತಿ*

   25-09-2017 5:15AM IST   

ಆನ್ ಲೈನ್ ನಲ್ಲಿ ತೆರಿಗೆ ಪಾವತಿ ಹಾಗೂ ಇತರ ಚಟುವಟಿಕೆ ನಡೆಸುವ ತೆರಿಗೆ ಪಾವತಿದಾರರು ತಮ್ಮ ಪ್ರೊಪೈಲ್ ಅಪ್ಡೇಟ್ ಮಾಡಬೇಕು. ಅಧಿಕೃತ ಇ-ಫೈಲಿಂಗ್ ವೆಬ್ ಸೈಟ್ ನಲ್ಲಿ ಅಗತ್ಯ ವಿವರಗಳನ್ನು ಭರ್ತಿ ಮಾಡಬೇಕೆಂದು ಆದಾಯ ತೆರಿಗೆ ಇಲಾಖೆ ಸೂಚಿಸಿದೆ.

ಇಲಾಖೆ ಹಾಗೂ ತೆರಿಗೆದಾರರ ನಡುವಣ ಪರಿಣಾಮಕಾರಿ ಸಂವಹನಕ್ಕೆ ಇದು ಅತ್ಯಗತ್ಯ ಅಂತಾ ಐಟಿ ಇಲಾಖೆ ಹೇಳಿದೆ. ವೈಯಕ್ತಿಕ ವಿವರ, ಸೆಕೆಂಡರಿ ಇಮೇಲ್ ಅಡ್ರೆಸ್, ಮೊಬೈಲ್ ನಂಬರ್, ವಿಳಾಸ ಹಾಗೂ ಬ್ಯಾಂಕ್ ಅಕೌಂಟ್ ವಿವರಗಳನ್ನು ತೆರಿಗೆದಾರರು ಭರ್ತಿ ಮಾಡಬೇಕಿದೆ.

ಈ ವಿವರಗಳನ್ನು ಅಪ್ ಡೇಟ್ ಮಾಡಿದ ಬಳಿಕ ಇಮೇಲ್ ಅಥವಾ ಎಸ್ ಎಂ ಎಸ್ ಮೂಲಕ ಬರುವ ಓಟಿಪಿ ನಮೂದಿಸಿ ಅದನ್ನು ವೆರಿಫೈ ಮಾಡಿಕೊಳ್ಳಿ. ಇದಕ್ಕಾಗಿ ಹೊಸ ರಿಜಿಸ್ಟ್ರೇಶನ್ ಪ್ರಕ್ರಿಯೆಯನ್ನು ಅಳವಡಿಸಲಾಗಿದೆ. https://incometaxindiaefiling.gov.in ಗೆ ವಿಸಿಟ್ ಮಾಡಿ, ನಿಮ್ಮ ವಿವರಗಳನ್ನು ಅಪ್ಡೇಡ್ ಮಾಡಿಕೊಳ್ಳಿ.