ಸರ್ಕಾರಿ ಕಾರ್ನರ್

*ಸರ್ಕಾರಿ ಕಾರ್ನರ್*

 Monday, 13.02.2017, 4:00 AM

ದಿನದ ಪ್ರಶ್ನೆ

ನನ್ನ ಜನ್ಮದಿನಾಂಕ 1-6-1955. ನಾನು ಉಪನ್ಯಾಸಕನಾಗಿ ಸೇವೆಗೆ ಸೇರಿದ ದಿನಾಂಕ 15-7-1985. 30 ವರ್ಷ ವಯಸ್ಸಿನ ನಂತರ ನೇಮಕಗೊಂಡಿರುತ್ತೇನೆ. ದಿನಾಂಕ 2015 ಮೇ 31ರಂದು ನಿವೃತ್ತಿ ಹೊಂದಿರುತ್ತೇನೆ. ಪ್ರಯುಕ್ತ ನಿವೃತ್ತಿಯ ಸಂದರ್ಭದಲ್ಲಿ ಅರ್ಹ ಸೇವೆಗೆ ಎಷ್ಟು ವರ್ಷ ಸೇವಾ ಅಧಿಕ್ಯ ಸೇರಿಸಲಾಗುತ್ತದೆ?

|ಶಂಕರ ಹುಣಸಗಿ ಯಾದಗಿರಿ.

ಕರ್ನಾಟಕ ಸರ್ಕಾರಿ ಸೇವಾ ನಿಯಮಾವಳಿಯ ನಿಯಮ 247ಎ ರಂತೆ ದಿನಾಂಕ 15-2-2012ರ ನಂತರ ನಿವೃತ್ತಿ ಹೊಂದುವ ಪ್ರಕರಣಗಳಿಗೆ ಸಂಬಂಧಿಸಿದಂತೆ 30 ವರ್ಷ ದಾಟಿ ಸರ್ಕಾರಿ ಸೇವೆಗೆ ಸೇರಿದ್ದರೆ ಪಿಂಚಣಿಯ ಉದ್ದೇಶಕ್ಕಾಗಿ 2 ವರ್ಷಗಳ ಹೆಚ್ಚುವರಿ ಅರ್ಹತಾದಾಯಕ ಸೇವೆಯನ್ನು ವಿಶೇಷ ಸೇರ್ಪಡೆಯಾಗಿ ಸೇರಿಸಲಾಗುತ್ತದೆ. ಈ ನಿಯಮದ ತಿದ್ದುಪಡಿ ನೇರ ನೇಮಕಾತಿ ಪ್ರಕರಣಗಳಿಗೆ ಮಾತ್ರ ಅನ್ವಯವಾಗುತ್ತದೆ. ಆದುದರಿಂದ ನೀವು ಸೇವಾ ಅಧಿಕ್ಯ ಸೇರಿಸಲು ನಿಮ್ಮ ನೇಮಕಾತಿ ಪ್ರಾಧಿಕಾರದ ಮೂಲಕ ಮಹಾಲೇಖಪಾಲರಿಗೆ ಮನವಿಯನ್ನು ಸಲ್ಲಿಸಬಹುದು.